اشعار ترکی

[ریپورتر]

قییت بو یول کی گئدورسن نگاره چاتمیاجاق


دونوبدی قیش هله فصل بهاره چاتمیاجاق

دومان دوتوبدی یولی دوز کورسنور ولی دره دی

بو چولده عشق متاعی بازاره چاتمیاجاق

قرانلوق ایجره گیدورسن هانی چراغین بس

چراغی اولمیان اخر کناره چاتمیاجاق

او قرمزی نه شافاغدی نه لاله دور قاندور

اخوبدی داغ داشا بیر اعتباره چاتمیاجاق


باتوبدی گون بو یرین گونلری دونوب گئجیه

گلن گونه داخی آی یا ستاره چاتمیاجاق

دوتوبدی بو چولی باشدان باشا بوتون ظلومات

اوجور گلور نظره یار یاره چاتمیاجاق

[ریپورتر]

عومروم گئچیر یوخ عومرولره اعتبار اقا
اولوم فراغ و محنته منده دچار اقا
دعوت ایله قویوم یوزومی قبر پاکیوه
هر چند یوخ نوکرلیقا منده چیخار اقا
یانیدم الشیدیم هجر اودونا ایله بیر نظر
هانسی دعا او یوللاری تزتز اچار اقا
ایله نظر بو گوزیاشیما قاره کوینگه
تاپمش بو تحفییله وجودیم وقار اقا
هرقدر من قاچام قوواجاقدی اجل منی
ویر کربلا براتی بو غمدن قوتار اقا

[ریپورتر]

باخما بو گوزدن اخان قانه کی دریا اولاجاق
یار حضورینده هله محشر کبری اولاجاق
توکولوب گوزیاشی غم غصه نی دیلدن یوواجاق
گئنه وصل عالمی گوز چشمه سی دریا اولاجاق
هله قوی سرلری بو گئجه قالسین سحره
یوخسا هر بیر گئجه نین سری معمعا اولاجاق

[ریپورتر]

ايستورم گون چيخا هر گون ايده هرياني گوزل


من گورم اهوني اهوده بياياني گوزل
ايستورم تئز گله ياز فصلي سويوخ قار توكونه
اريوب قار آخا سئللر يووا داماني گوزل
ايسوترم بو گئجه ني صبحه كيمي صحبت ايده ك
ايليوم من اورگيم درديني اعلاني گوزل
شن اوتور شمع كيمي من سنه پروانه اولوم
خسته روحون بو اليشماقدادي درماني گوزل
هر كيمين سوگوسي تك قويسا يانار عومر بويي
درد غمدن باش اچانماز گوره دونياني گوزل
خوش ياشار غم يورا بولمز دايانار سرو كيمي
هر كيمين اولسا ولي سنكيمي جاناني گوزل
گل دانش منله فلك كونلومي ايلوبدي كدر
گل اوزون شاد ايله بو قلب پريشاني گوزل
نه اولار بو گئجه ني صبحه قدر ناز ايده سن
بلكه يادان چيخادام اول شب هجراني گوزل
نه اولار يئل اسه يوزدن قره زلفي آييرا
بلكه بير لحظه گورم جنت ورضواني گوزل
گئجه گوندوز سنون عشقونده گزوب ياتمامشام
سنده گل ياتما بو بزمي ايله نوراني گوزل
اولما راضي گوزومون ياشي آخار چاي تك اخا
گل اوزون باغلا يولون سد ايله درياني گوزل
اند اولا عشقميزون حقينه هئچ انجمرم
سن گلن يولدا مني ائتسله قرباني گوزل
سايل اديله گلوب من سنون اولدم قوناقون
سنده ايو صاحبي راض ايله مهماني گوزل

[ریپورتر]

سنسیز دونیا ویران اولسون یوخ اولسون
سنسیز دونیا اورگیمه اوخ اولسون
سنلن ولی هرنه اولسا چوخ اولسون
سنلن دیوم سنلن گولوم آغلیوم
گل بیر بیزه من ایوده تک قالمیوم
سنسیز گوروم چرخ فلک دایانسین
سنسیز لاله باغریم قانه بویانسین
سنسیر منیم جوان عومروم قوجالسین
سنلن گوروم دونیا بویی وارام وار
سن اولماسون کیمیم واردی هارام وار
سنسیز یولوم هئچ دیاره دوشمسین
اغلار گوزوم قانیاش توکسون گولمسین
نامرد الی گوزوم یاشین سیلمسین
سنسیز ئولسم غسل ویرن اولماسین
قبریم اوسته بیگانه لر قالماسین
سنسیز ئولسم قبره قویان اولماسین
نعشیم اوسته ساچین یولان اولماسین
سنسیز مندن عزراییل جان آلماسین
بیلسون سنی تا نفس وار گوزلرم
سن گلمسون ئولسم ده من ئولمرم

[ریپورتر]

هر بیر الی کی یارین الی دوتسا یخیلماز
هر کیم سیخیلا یارینه اغیاره سیخیلماز
یول تاپسا باخیش گوزلره گوزلر گوزه گلمز
کیم با غلاسا گوزیاشیله پیمانی قیریلماز
داره چکه منصوری فلک بیرده یول اوسته
تا جان واريدي باشداكي زنجيري اچيلماز
فرهاد گلنگ ايستوري غملي داغي يخسون
شيرين يوخوسوندان بو ياخونلوقدا اييلماز
وامق گئنه عذراسينه خاطر دلي اولموش
هر چند بو مكتبده اورك دردي ساييلماز

[ریپورتر]

گلدیم جانا چرخ فلکون اویناماسیندان

قلبیمده نشان واردی اورک داغلاماسیندان

قویماز قوروسون گوزیاشی مظلوم یاناقیندا

نامردلرین الده قمه تولاماسیندان

هر بیر گولون عطری باغی باشدان باشا دوتسا

بیر گونده دویار جانه اونون ساخلاماسیندان

یوسف کیمی جانانی ساتار قلب طلایه

کنعانی سالار ایری بیر عومری بالاسیندان

زندانی ائدر بولبول خوشخوانی قفسده

قارقا اوخویار باغدا بوداقین اوجاسیندان

نامردلره میدان ویری مردین قاباقیندا

دونیا هاموسی غمدی دیوم من هاراسیندان

هردم اناسیندان آییرار نازلی بالانی

مجنون اولی عالم انانین اوخشاماسیندان

بول نه دیوم عومر نئجه کئچدی قوتاردی

سینمده یارام وار فلکون اوخلاماسیندان

هر کیم کی گلوب ایریلاجاق ایستدیگینن

ایریلدی نئجه شهریار حیدر بابا سیندان

[ریپورتر]

ایکاش یارین منزلینه اینا اولیدیم


یارین قد رعناسی بویوندا اوجالیدیم


من هر نه ائدم عاشق شیدا اولا بولمم


بو طرزیله من دردیمی بیر یاره دیییدیم


من اینا اولوب یار اوزینه منده باخاندا


او عشوه ساتان لحظه سینه منده باخییدیم


من غمزه ده نی یار اوینه یول ویره ن اولماز


بیر اینا اولوب گوشه مزلده قالیدیم


یار عشقینه عاشق لر اوزوندن ال اوزنده


من عشق گدازینده یانیب بیر آلیشیدیم


هر گوز گوره بولمز یاریمین نورینی یوزده


من اینا کیمی نورینی دونیایه یاییدیم


عومروم بویی حسرتدی گوزوم بیر یاری گورسون


یار قاش گوز اتان لحظه ده من بیر اوتانیدیم


شیدالره باخما کی ملائکله گزولر


بو جانمی کاش یار ایاقی التدا سالیدیم

[ریپورتر]

گئجه اولدی هامی یاتدی
نیلوم اخر یاتانمورام
یارین فیکری دوشوب باشا
فیکرین باشدان اتانمورام
اغزیم دولوب غم کدردن
چئگنمیشم اوتانمورام
یاریم منی اتوب گئدوب
منکه یاری آتانمورام
عشقی پولا ساتوب گودوب
من عالمه ساتانمورام
عشق پاکدی اول اخر
اونا هوس قاتانمورام
یول اوزاقدی کروان خسته
یوکوم یخوب چاتانمورام
غم لشگری کسوب یولی
گوجوم چاتمور باتانمورام
عومر قاچور من قوورم
هاخلییورا توتانمورام

[ریپورتر]

بير شیرین سوزلو اوجا بويلي يارا يار اولموشام

جان وئریب ناز آلميشام رسواي بازار اولموشام

نيلوم اخر يوخدي بو جاندان صورا ايري واريم

بير بو جاندور گون قباقنده قالان قار اولموشام

ائتمشم ازبر ادين ديلده اولوب غم مونسيم

حسرتي ديلده نچه مين يول اولوب وار اولموشام

اولماسا بير كيمسه عاشق درك ائدنمز حاليمي

اديمي عاشق قويوب درده گرفتار اولموشام

جرئتيم يوخدور دييم منده دوغرچي عاشقم

وار بو قدري يانمشام مشتاق ديدار اولموشام

انتظارم گلسه والله خسته گوگلوم دينجلر

چاره ايلر درديمه چوخداندي بيمار اولموشام

خوش گونه حسرتدي گوگوم اولموشام غم دوستاقي

فرقتینده باتمشام ياسه عزادار اولموشام

ليلينون حسنيدي مجنوني سالان چولدن چوله

منده عشقینده دوشوب چولدن چوله زار اولموشام

حكم ايدوب حاکم كه عاشق اولماقين چوخ جرمي وار

ذره قورخوم يوخ اگر منده گنهكار اولموشام

عشق اولا ماواده آتديم باش و جان سوداسيني

قورخوسوز منصور تك اماده دار اولموشام

هوشمند اولماق يارين كوينده بيجا فيكريدور

ياره جان قوربان ديوب كوينده زوار اولموشام

[ریپورتر]

عشقون بولاغین قویما بولانسین کی درولماز
عشقئن یولونی دوز گیده هر کیمسه یورولماز
هر کیمسه گلوب عاشق لایق اولا بولمز
بو مکتب عشق ایچره یالان اولمیوب اولماز
گر آغلاماسا قاره بولوط غنچا گول آچماز
گر گولمسه گول درد و غمه چاره تاپولماز
گلشنده گولون قیمتی گولدور گوله بولسه
نامرد الی سیندیرماسا بو شاخه نی سولماز
بیر عومر چکوب نازینی بولبول آچا بیر گون
درد اهلی اولان غنچه لنن شاخه نی یولماز
عشق اولماسا عالمده گوزلیک گوزه گلمز
بو چارداغی قویما یخا یئل بیرده قورولماز
دیوانه لیگین لذتی حیران ائدر عشقی
عومرون بویی سرمایه دی بش گونده قوتولماز
باشدان گئچر عاشق ولی یاردان گئچه بولمز
آیری طرفه هر نه اولا یولدا بورولماز

[ریپورتر]

بير شیرین سوزلو اوجا بويلي يارا يار اولموشام
جان وئریب ناز آلميشام رسواي بازار اولموشام
نيلوم اخر يوخدي بو جاندان صورا ايري واريم
بير بو جاندور گون قباقنده قالان قار اولموشام
ائتمشم ازبر ادين ديلده اولوب غم مونسيم
حسرتي ديلده نچه مين يول اولوب وار اولموشام
اولماسا بير كيمسه عاشق درك ائدنمز حاليمي
اديمي عاشق قويوب درده گرفتار اولموشام
جرئتيم يوخدور دييم منده دوغرچي عاشقم
وار بو قدري يانمشام مشتاق ديدار اولموشام
انتظارم گلسه والله خسته گوگلوم دينجلر
چاره ايلر درديمه چوخداندي بيمار اولموشام
خوش گونه حسرتدي گوگوم اولموشام غم دوستاقي
فرقتینده باتمشام ياسه عزادار اولموشام
ليلينون حسنيدي مجنوني سالان چولدن چوله
منده عشقینده دوشوب چولدن چوله زار اولموشام
حكم ايدوب حاکم كه عاشق اولماقين چوخ جرمي وار
ذره قورخوم يوخ اگر منده گنهكار اولموشام
عشق اولا ماواده آتديم باش و جان سوداسيني
قورخوسوز منصور تك اماده دار اولموشام
هوشمند اولماق يارين كوينده بيجا فيكريدور
ياره جان قوربان ديوب كوينده زوار اولموشام

[ریپورتر]

بیرگئدیردوخ یولی تک قویدی منی یولداشلار
آیریلوی گئتدی هارا بلمورم هیچ تای توشلار
مکتب عشقیده باهم اوخودق درسیمیزی
بولمزیدوخ کیمی محکم یاپوشار کیم بوشلار
خوش گونی اولکمیزین گئچدی یامان گونلر اولوب
بیر نفر یوخدی گولن سئل تک آخور گوزیاشلار
ایله دایم دومان اولدی گونه قالدوخ حسرت
بو یئرین عادتیدور اچسا یاغیش قارباشلار
پاپاغان کوچدی چمندن یئرینی قارقا دوتوب
داخی باغدا اوخومور بولبول اوخور بایقوشلار
پاییزین گلمه میش آدی سارلوب سولدی چمن
یازین عومری ازالوب ایندی اوزوندور قئشلار
قوجالوب شئر یئنه فرصت یتشوب تولکی لره
چالاغان قورخوسی قویمور قناد اچسون قوشلار
تاپشوروب قوردا قویونلاری چوپان یوخلایوب از
قورد داغیدی سورونی قانه باتوب داغ داشلار
نیه دوران بئله اولدی هارا گئتدی کشیلر
قارداشا دوتموری ال دای جان اولان قارداشلار
بئله گئتمز باشا دوران گلجک صاحبیمز
بیر یره جمع اولاجاقدی هاموسی یولداشلار

[ریپورتر]

گونوم دونوب گئجه اولدی مدینه نون آیینا

اضافه اولدی گوزل یاشی بو غزل سایینا
عنایت ایلدی دولدوردی گوزلریم کاساسین
قاتام گوزوم یاشینی حسرتین اخار چایینا
جمالی عالم امکانه نوريني سپیري
جانم فدا اولا عاشقلره ویرن پایینا
دئديم نولار منيده كاروان عشقه يازا
توكم گوزوم ياشيني كاروانون هاي هاينا
گوزوم پياله سيني دولدورام اخار چايدان
سيزلديام انانين يانديريجي لايلايينا
ندوم بو حسرت اودي يانديروب قوتاردي مني
گركده اود ويراسان هرزادين زايينا
زاي اولماسيديم اگر گوشه لرده قالمازديم
قويارديلار منيده لاقل يوكون تايينا
اچيلدي گوز يئنه گوردو م كي گاهواره يانور
دوشوبدي لرزيه يئر گوي انانين اخ وايينا
نولار گوروم كي دونان طبعيمه ياغيش ياغوري
يتوبدي ارزيلارين ميوه سي يئنه ياينا
ايله بو گون صباحيم اولدي اي دونوبدي ايله
قالوبدي وعده گلن ايللرين گلن آيينا

[ریپورتر]

نقدری اوالسادا عومروم باشیمدان عشقین ایریلماز
گئجه گوندوز گوزوم یاشی آخار رخساره قورتولماز
محبت عالمی جانان بولر عشق اهلینین دردین
دوغورچی عشق بیر گولدور خزانه دوشسه ده سولماز
متاع عشقی بازاره گتورسون بیل بو مفهومی
الان ایستر اوجوز السین ساتان اما اوجوز ساتماز
اگر عاشق دوز اولسا باش و جانین یاره بذل ایلر
اگر دونیا بویی سیم و طلاده ویرسون الانماز
بیان سر عشقه یوخدی امکان دفتر اوستونده
قلم هر بحثیده تکمیل یازسا عشقیده یازماز
یالانچی عاشق اولسامدا بونی بیر من بولوم بیر سن
اگر بولسه بو شهر اهلی کی منده ابرو قالماز
سنون لطفون اگر چوخدی ولی منده چیخار یوخدی
بو قانون طبیعتدی کی شوروخ یئرده بار ولماز
نقدی پرده چکدون سریمی هئچ بولمدی اغیار
سنون تک مهربان جانان گوزوندن عاشقین سالماز
یولی ازدوقجا ال دوتدون دوباره من یولی تاپدیم
سنون عشقونله کیم گئتسه چاتار مقصودینه آزماز

[ریپورتر]

بس منی سئخدی زمانه اورگیم قان اولدی

سرداشیم اولمادی عالم منه زندان اولدی
اوتورا بولمدیم ایوده قاپویا بویلاندیم
بلکه جان صاحبی بیر لحظه نمایان اولدی
سایدیم اولدوزلاری بیر بیر او قرانلوق گیجه ده
اغلادیم صبحه قدر گوزده کی یاش قان اولدی
هی گوزوم یاشینی توکدوم یوزه هجران گیجه سی
قالدی یوللاردا گوزوم صبر ایوی ویران اولدی
بیر کسیم اولمادی سرداشیم اولا غملی گونوم
قورتارام جانیمی غمدن مگر امکان اولدی
ایریلیقدان باشما گلدی نه لر بولمدون هیچ
سئل کیمی غم توکولوب باشیمه عمان اولدی
تانری چاره م ندی عشقون قوشی باغیمدن اوچوب
بولورم گئتدی هارا کیملره مهمان اولدی
بولمورم یول اوزاق اولدی کی گلوب چئخمادی یار
یا وفاسیزلیق ایدوب اوزگیه جانان اولدی
یا کی مندن اورگی سیندی داها گلمیجک
یا کی اوز باغلادیقی عهدینه پشمان اولدی
یارین عشقیله گئچدیم گئجه می گوندوزومی
وصلینی ارزیلادیم قسمتیم هجران اولدی
ایری بیر سوز دیمرم ساغلیقینی ارزیلارام
بلکه گلدی یئنه اولده کی دوران اولدی

[ریپورتر]

بیر یئره یتشدیم داغدی دره دی
بولوتلار اخیدیر قانلی گوزیاشین
هر کیمی سسلورم سس ویرمیر منه
بو یئرده ایتیرور قارداش قارداشین
**************************
بو دونيا وفاسين بئله كي گوردوم
ظولمات گئجه سحر اولماقا دگمز
ال ياشيل چمنلر عطيرلي گوللر
خزان گلن چاغي سولماقا دگمز

[ریپورتر]

هر باغدا صفا اولمازميش من نه بولييديم
هر گلده وفا اولمازيمش من نه بوليديم
بير بولبولودوم اولموشودوم گوللره عاشيق
يار صحبتيني خوش دانيشان ديللره عاشيق
بو گولومي زنجيره چكن تللره عاشيق
هر تل كي قرا اولمازميش من نه بولييديم
عوروم بويي گوزياشي يوزه اخدي سوزولدي
قان شبنمي هجرونده بو رخساره دوزولدي
ايللردن اوزاق دوشدوم اليم الدن اوزولدي
هر باشدا هوا اولمازميش من نه بولييديم
درديم او قدر چوخدي كي يازماقلا قوتارماز
يار گلمه سه بو قلبيده كي ياره ساغالماز
كيم اديني عاشق قويا غمدن باش اچانماز
بو درده دوا اولمازميش من نه بولييديم
شمعون اودونا بو گجه پروانه اليشدي
هر كيم كي گليليدي او مجلسده باريشدي
يار گلمدي بو گوزده كي قانه قاريشدي
هجرانه چا را اولمازميش من نه بولييديم

[ریپورتر]

گئنه اود دوتدي اورك ياندي محبت اودونا
آيريلق صحبتي خوش گونلري سالدی ياديما
سنده سالدون مني گوزدن ايله بيگانه كيمي
يوخدي بير كس نظر ايتسون بو پريشان حاليما
قالا بير خوش كونه حسرت سني مندن ايران
گوندوزي شام اولا منتك گوزي ياشلي دولانا
گل گيلن منتظرم وار گوزوم اوستونده يرين
گل گوزوم ياشيني سيل چك اليوي بير باشيما
وار اوميديم هله بيريولدا بيزه باش چكه سن
ياتمارام صبحه كيمي گوز تيكرم من قاپويا
گاه اولوب شاد گهي غصه لنوب اغلييارام
ديمگ اولمور اورگين درديني حتي آنيا
عشق درسين منه اورگتدي اوشاخليقدا انام
باغبان عشقيله گول بسلدي ويردي خزانا
من گرگ بو گئجه بير ياديویله خلوت ايده م
يالوارام صبحه قدر بلكه ياتان بخت اويانا
قورخورام عمر چراغي سونه سن گلمييسن
گوزلويم يول گيجه گوندوز جوان عومروم قوتارا

[ریپورتر]

عشقون سالوبدي ولوله دنيايه گلميسن
حسنون اولوبدي يوسفه سرمايه گلميسن
كنعان عشق آختاروري دربه در سني
بير اود سالوب وجود زليخايه گلميسن
چوخداندي حسرتين اورگيمده ير ايليوب
قربان اولوم سنه نه تمنايه گلميسن
حسنون سنون مين عاقلي اغفال ايدر گوزل
مجنوني سالموسان گئنه صحرايه گلميسن
منكه ازل باخيشدا گرفتارون اولموشام
تير و كمانيله نيه دعوايه گلميسن
دورما يول اوسته گوز توخونار بو اوجا بويا
قسمت بو گون بيزيمكيدو همسايه گلميسن
دلن دانيش اورك باغينا وير گلن صفا
سن حق طريقنه نه گوزل ايه گلميسن

[ریپورتر]

مشکلدیم ای خسرو خوبان مدد ایله

ای دردلره درمان منه بیر ان مدد ایله
گلمور قلمیم یازماقا چون شانوه چاتماز
وصف ایلماقا یوخدی کی امکان مدد ایله
دریای غمون ساحلینه کیمسه چاتانماز
گر گتسه بو جور گردش دوران مدد ایله
ای رحم ایلین اهوییه صیادین الینده
گلمیش قاپوا بنده نالان مدد ایله
ایکاش سر کویوه من بیر قوش اولییدیم
صدقیله دییدوم سنه قربان مدد ایله
گلدسته لرون نور سپور عرشیله فرشه
ظلمت اورگیم ایله چراغان مدد ایله
سن سن ره حقون اقاجان شرط و شروطی
گل شرطیمیزی ایله چوخ اسان مدد ایله
عالم دولانور باشیوه آیا نه غریب سن
عشق عالمینه یوسف کنعان مدد ایله
کاش قسمت اولا جام وصالون منه هرگون
مست ایلیه بو جانیمی جانان مدد ایله
هر چند کی قابل دگولم لطفوه اما
گل باشیمین اوسته چیخا تا جان مدد ایله

[ریپورتر]

یولی دوز گئتمگ اگر همت اولا آساندیر
یوخسا دونیا باشا باش سهملی بیر طوفاندیر
یولی دوز گئتمگه لازمیدی کی دوز علمین اولا
بئله بیر علمیده تضمین ائلین ایماندیر
عومروی کوچه و بازاریده صرف ائتمه جوان
بو جوانلیق اله دوشمز گئده جک مهماندیر
یاتما غفلت یوخوسوندان بیر اوویان بسدی داخی
باخ گیلان دور و بره گور نه چتنین میداندیر
دوشمانین فیکری بو دور فیکرووی السین الینه
صونرا تلبیغ ایلسون لر کی جوان ناداندیر
بیزده گل باهم اولوب چاره تاپاق دردیمیزه
اسلامین حوکمی بیزیم دردیمزه درماندیر
سعی ایدوب تئزلیقیجا قافله علمه چاتاق
همت ائت عالمی آباد ایلیاخ ویراندیر
قویمویاق زالو صفتلر صورا ملت قانینی
هله ظلمون اثریندن چوخ اورکلر قاندیر
دوز یول آختارسان اگر نیتوی خالص ایله
گورسدن دوز یولی بو جامعه ده قراندیر
هر گده دوز گئده بولمز یولی یول قورخولودی
هر مینن آت سوره بیلمز بو چتنین میدان دیر
هوشمندون آدی گر دوشسه دیله فایداسی یوخ
الی بوشدور یوزی قاره اوزوده ناداندیر
هوشمند

[ریپورتر]

رحمه گلدون نه گوزل منله مدارا ائلدون نده قلبیمده کی بو درده مداوا ائلدون
قره گوز اوسته قرا قاشلار ایتی خنجرتک پیلدی باغریمی گوزیاشیمی دریا ائلدون
آغ یوزونده قره خالون منی ایتدی قره گون ادیمی دیللره سالدون منی رسوا ایلدون
دارادون تللری توکدون یوزوه شام و سحر باغلادون ال قولومی محشر کبری ائلدون
تار زلفونله چکوب داره منی اولدوردون صونرا ویردون گئنه جان معجز عیسا ائلدون
هارا گیتدون گوزلیم منده دالونجان گلدیم من گوزوم اوسته دئدوم هر نه تمنا ائلدون
سویلیردیم ئوزومه وصلیوه بیر کون چاتارام منی سالدون اودا یاندوقجا تماشا ائلدون

[ریپورتر]

یولی دوز گئتمگ اگر همت اولا آساندیر
یوخسا دونیا باشا باش سهملی بیر طوفاندیر
یولی دوز گئتمگه لازمیدی کی دوز علمین اولا
بئله بیر علمیده تضمین ائلین ایماندیر
عومروی کوچه و بازاریده صرف ائتمه جوان
بو جوانلیق اله دوشمز ُگئده جک مهماندیر
یاتما غفلت یوخوسوندان بیر اوویان بسدی داخی
باخ گیلان دور و بره گور نه چتنین دوراندیر
دوشمانین فیکری بو دور فیکرووی السین الینه
صونرا تلبیغ ایلسون لر کی جوان ناداندیر
بیزده گل باهم اولوب چاره تاپاق دردیمیزه
اسلامین حوکمی بیزیم دردیمزه درماندیر
سعی ایدوب تئزلیقیجا قافله علمه چاتاق
همت ائت عالمی آباد ایلیاخ ویراندیر
قویمویاق زالو صفتلر صورا ملت قانینی
هله ظلمون اثریندن چوخ اورکلر قاندیر
دوز یول آختارسان اگر نیتوی خالص ایله
گورسدن دوز یولی بو جامعه ده قراندیر
هر گده دوز گئده بولمز یولی یول قورخولودی
هر مینن آت سوره بیلمز بو چتنین میدان دیر

[ریپورتر]

ای منی یولدان ایدن سویملی جانان گئتمه
بیر دایان منده گلوم صبر ایله بیر آن گئتمه
باخ بو گوزلردن آخان قانیاشا بیر رحم ایله
ایلمه عاشیقوی زار و پریشان گئتمه
ورما هجرون داشینی سینمه سیندیرما منی
چکرم نازوی قال بو ایوه مهمان گئتمه
تار زلفونله منی داره چکوب ئولدور گئت
یا قبول ایله کی کی وار عهدیله پیمان گئتمه
من بو شهر ایچره غریبم کیم الیمدن دوتاجاق
سالاجاق ایریلیقین دردی ایاقدان گئتمه
سنسیز عالمده بهشت اولسا جهنمدی منه
منه گلشندی سنیله قره زندان گئتمه
نقدر یالواریم آیا اورگون داشدی مگر
نقدر داد جان سنه قربان گئتمه
نقدر حسرتیله گوزیاشمی من الییوم
نقدر سویلییم ای دردیمه درمان گئتمه
بو یولی چوخلاری گئتمش ولی یوخ بیر قاییدان
اولاسان سنده بو گئتماقدا پشیمان گئتمه
توکرم سئل کیمی گوزیاشیمی یوللار کسیلر
بیر دعا ایلییرم عالم اولار قان گئتمه
هوشمند اولماق اگر باشه بلا دور نه چارا
بیر باش اندیر بو قدر ایلمه طغیان گئتمه

[ریپورتر]

عاشیق اولماق یار شیریندی ولی زحمتی وار
عشق دریاسینه هر کیم دوشه بیر قسمتی وار
دوز اولان عاشیقه مین دفعه جانیم قوربان اولا
دولنیم باشینه هر کس کی اونون غیرتی وار
شرط گوز یاشیدی اول سیله قلبون کدرین
دوزوم ایستر غمه ثابت اولا تا همتی وار
صورا جان شرطیدی یار عشقینه باشدان اتیلا
وصله خاطر چالیشا هر نقدر قدرتی وار
فیکر و ذیکری اولا یارین آدی هر شام و سحر
دوز گئده عشق یولون بولدوره حیثیتی وار
یار ا قوربان کسیله یاشی دوشه الدن اله
چیخادا یاتدان اوزون هرنه کی شخصیتی وار
شمع تک اوتدا یانا صبحه قدر طاقت ایده
صبح اولاندا قوتارا جاندا نقدر طاقتی وار
بیر بئله عاشیق اولان عومر بویی یانمالیدی
وصل و هجرون بیله بیر عاشیقه خوش لذتی وار

[ریپورتر]

کوی عشقونده گزن گونلری بیر یاد ائلدیم

آز زامان روحیمی غم غصدن آزاد ائلدیم
نئچه وقتیدی فراقونده سنون یانمیشیدم
اولدی امکانی سنق قلبیمی بیر شاد ائلدیم
آیریلیق دردینه سالدون منی آتدون گئتدون
الیمی دوتمادی بیر کس نقدر داد ائلدیم
عاشقه کیمسه سنون تک بیله بی رحم اولماز
باخمادن بیر منه مین یول سنه امداد ایلدیم
گوگلومون باغی خزان اولدی پریشان اولدوم
چوکدی داغلار باشیما ناله و فریاد ائلدیم
اولدی قان دریاسی گوزدن توکولن دامجیلاریم
ارزیلار کاخینی بیر آهیله برباد ائلدیم
عشقون افسانه سینی یازماقیلان قورتارماز
بو سنق قلبیمی من عشقیله آباد ائلدیم
ایلدیم درسیمی ازبر یولی آخر تاپدیم
نعشیه زولفوه من روحیمی معتاد ائلدیم

[ریپورتر]

گون باتدی چکوب اورتوگون هریانه قرانلوق

سالدی بیزی بیر قورخولی طوفانه قرانلوق
گوز گورمدی باغلاندی یولوم ظلمت الیندن
امکان یوخودی گئتماقا بیر یانه قرانلوق
آزدیم یولی هئچ بولمدیم آخر هارا گئتدیم
گوز یاشلی اورک داغلی یانا یانه قرانلوق
نه شمع یانوب اولدی نه فانوس او یئرده
قویدی منی حسرت نئجه جانانه قرانلوق
آیدا بو گئجه چیخمادی هیچ بیر بولوط آلتدان
بیر باخمادی بو گوزده کی القانه قرانلوق
رسوای جهان اولدوم آدیم دیللره دوشدی
باغلاندی اورک زولف پریشانه قرانلوق
چوخلار بو گئجه بزم قوروب شادلیق ایدوللر
سالدون منی گوزیاشلی بیابانه قرانلوق
اومیدیله گلدیم کی اوپم یارین الیندن
دوشدوم یاری یولدا بئله زندانه قرانلوق
فیکریم یورولوب دردسریم اشدی باشیمدان
ال دوتمادی بیر کس منه نالانه قرانلوق
عومروم بویی غم غصه منیم همدمیم اولدی
مین دردیله ال چاتمادی درمانه قرانلوق
اوزگه قاپوسون یا رآدینا بو گئجه دوگدوم
خوش باخمادی ایو صاحبی مهمانه قرانلوق
عشق عالمی یاریم منی یاتددان چیخادوبدی
بیلمم نه گلوب عهدله پیمانه قرانلوق
چوخ داشلارا دگدی باشیم اما گئج آییلدیم
ایستور جوان عومروم یته پایانه قرانلوق

[ریپورتر]

ایخدا گون گئچدی قالدی حسرتیم اولمادی قبری حوسینین قسمتیم
اولموشام بیر عومریدیر دیوانه سی عاشق شوریده و مستانه سی
چوخلاری پروانه دیر حق شمعینه منده گلدیم قاره کوینک جمعینه
باغ رضواندیر او آلتی گوشه قبر قلبلرده قویماییبدی ذره صبر
هانسی عاشق نینوانی ایستمز کیم مگر کرب و بلانی ایستمز
کربلا میعادگاه وصلیدیر وصل جانان فیکر ایتمه سهلیدیر
هر نمازیمده واریمدیر زمزمه ایخدا چاتسین الیم نهر علقمه
ازبریم اولموش دیلیمده بو دعا قسمتیم ایکاش اولیدی کربلا
هئچ دیین یوخ کربلانی نیلیسن هئچ مگر اوز حالیوی سن بیلمیسن
هر گئجه صبحه کیمی هیئتدییم چون وظیفه بیلمیرم غفلتدییم
ملتی هرگون بازاردا توغلارام قاره اگنیمده حسینه آغلارام
صبح چاغينه نمازه دورمارام ليكن عاشوراده شربت پايلارام
باشیوه دگسون سنين بو شربتین سیندروبسان قیمتین سن هیئتین
گوزیاشی گرچی اودی خاموش ائدر اولماسا ایمان ولی وئرمز ثمر
قیل نمازین واجباته ائت عمل کسب و کارینده حساب ائت فی المثل
باخما سن بازاریده دوربره ائت قبول ذرة خیرا یره
گل حیا ائیله بیر از داداریدن يیغ ربا پوللاریوی بازاریدن
شاه دین جاندان گئچيب ایمان قالا نه کی بیر عيدده لره عنوان قالا
قویما مسئول اولسون هر بیر کاره لر هیئتی ویران ایده ر بد کاره لر
وئرمه مجليسده ربا خواره یئرین هرکسیله اولما یولداش چوخ شیرین
روز عاشوارا نیاز ائتدی حوسین قانلی میداندا نماز ائتدی حوسین
اول حقیقی شه مجازی ایستمز هرکس اولسون بی نمازی ایستمز
مستحبلر واجباتی گیزلديب هر کس اورگتسه یالاندان اؤرديب
مالک اولموش نوحه خواندا هیئتی بوشلامير وقت اذاندا هیئتی
بی نماز عاشقلری نئينير حسین فیکر ائدورسن نیتون بیلمير حسین
کربلا افضلدی گرچی کعبه دن دفن اولوب یئتمش ایکی باشسیز بدن
اولماسام عارف به حق مولایه من دوشموشم بیر زحمت بیجایه من
ایخدا ای کربلانین صاحبی هم فدانین هم منانین صاحبی
کربلانی عارفانه ایستيرم بیر زیارت خالصانه ایستيرم
کربلانی ایستيرم من بی ریا نیلورم اولسا پولوم پول ربا
کربلانی ایستيرم اما نه عاق تا منی مولا حسین ائتسون قوناق
من دئمم گلمه عزیزیم هیئته گل ولی ساتما اوزون هر قیمته
بو قرا پرچملره محکم یاپیش حق یولون دا وير قدم حقدن دانیش
بو حیسن بحر بلا کشتیسی دير روز محشر شیعه نون منجی سی دير
واجب ایلوبدی بهشتی لم یزل هرکیمه اغلار حوسینه با عمل
کیم حوسینه اغلیوب یا اغلادا روز محشر فاطمه (س) قویماز یانا

[ریپورتر]

اشعار ترکی استاد شهریار...


ترسا بالاسی
اذن وئر توی گئجه سی من ده سنه دایه گلیم
ال قاتاندا سنه مشاطه تماشایه گلیم
سن بو مهتاب گئجه سی سیره چیخان بیر سرو اول
اذن وئر من ده دالونجا سورونوب سایه گلیم
منه ده باخدین او شهلا گوزوله من قارا گون
جراتیم اولمادی بیر کلمه تمنایه گلیم
من جهنمده ده باش یاسدیقا قویسام سنیله
هئچ آییلمام کی دوروب جنت ماوایه گلیم
ننه قارنیندا دا سنله اکیز اولسایدیم اگر
ایسته مزدیم دوغولوب بیر ده بو دونیایه گلیم
سن یاتیب جنتی رویاده گورنده گئجه لر
منده جنتده قوش اوللام کی او رویایه گلیم
قیتلیغ ایللر یاغیشی تک قورویوب گوز یاشیمیز
کوی عشقونده گرک بیرده مصلایه گلیم
سنده صحرایه مارال لار کیمی بیر چیخ نولی کی-
منده بیر صیده چیخانلار کیمی صحرایه گلیم
آللاهوندان سن اگر قوخمیوب اولسان ترسا
قورخورام منده دؤنوب دین مسیحایه گلیم
شیخ صنعان کیمی دونقوز اوتاریب ایللرجه
سنی بیر گورمک ایچون معبد ترسایه گلیم
یوخ صنم! آنلامادیم، آنلامادیم حاشا من
بوراخیم مسجدیمی سنله کلیسایه گلیم!
گل چیخاق طور تجلایه سن اول جلوه طور
منده موسی کیمی اول طوره تجلایه گلیم
شیردیر((شهریار))ین شعری الینده شمشیر
کیم دیئر من بئله بیر شیریله دعوایه گلیم؟!
آذر 1353

[ریپورتر]

حکیم ابوالقاسم نباتی...


اؤیله مستم بیلمرم کی می ندیر مینا ندیر
گول ندیر بولبول ندیر سونبول ندیر صحرا ندیر
اود توتوب جانیم سراسر یاندی اما بیلمدیم
دل ندیر دلبر ندیر باشیمدا بو سئودا ندیر
بیلمدیم عؤمرومده هرگز کفرو ایمان هانسیدیر
احمد و محمود کیمدیر عیسی و موسی ندیر
شاهباز اوج وحدت واحد و حی قدیم
خالق ارض و سما اول فرد بی همتا ندیر
ترّهاتی قوی کناره رقصه گل دیوانه وار
گل خرابات ایچره گؤر بو شوزش و غوغا ندیر
دور گؤزون قوربانیام مستانه گل ریندانه وئر
چوخ دئمه جمشیددن اسکندر و دارا ندیر
شاهد خلوت نشینیم ائتدی روخسارین عیان
عاشق دیوانه گل گؤر ظاهر و اخفا ندیر
یئتدی عؤمرون آخیرا سن بیر((نباتی)) بیلمدین
کیمدی بو گؤزدن باخان یا دیلده بو گویا ندیر

[ریپورتر]

مصطبه عشقده باده و مینایه باخ/ساقی گولرنگی گور ساغروصهبایه باخ
حلقه ریندانه گل دیر موغان سئیرین ائت/اهل خرابات آرا مومن و ترسایه باخ
ذوق مئی عشقدن جوشا گلیب شیر تک/هی هی مستانی گور شورش و غوغایه باخ
شعشعه ی باده دن شمس اولوب منفعل/لمعه جام بلور هاله اولوب آیه باخ
نغمه چنگ و رباب شاهد شمع و شراب/همهمه سازی گور زمزمه نایا باخ
بولبول طبعیم یئنه اؤزگه نوا باشلاییب/ دئر کی گول اولموش خزان بو خبر وایا باخ
غم یئمه شاد اول کونول اولما بو سوزدن ملول/صبر ائله سن بیر زمان قدرت مولایا باخ
امرینه موشگول دگیل کم ائده پیر و جوان/ ائیله گوزوم اعتقاد بیرجه زولیخایا باخ
چکدی سوزون رشته سین بیر بت لیلی خرام/ سالدی منی چوللره آه بو صحرایا باخ
آی سنی تانری یئنه ائتمه پریشان منی/ بیرده منه سؤیلمه زولف چلیپایا باخ
هیچ و عبث کونلومو ائتدی بو سوزلر تباه/ آخیر اولوب حاصلیم غم یوکو سئودایا باخ
اینجیمه دور چال قلم من سنه قوربان اولوم/قویما سوزو ناتمام طعنه اعدایا باخ
یوخسا یورولدون مگر ایلقا حله هارداسان/مسجد اقصی دی بو عرش معلایا باخ
قورخما دگیل اژدها بالله عصادیر عصا/موسی عمران کیمی سن ید بیضا یا باخ
برق صفت قیل گوذر جمله حجاباتدان/ فوق ثریا یا چیخ منظر اعلایا باخ
شاه عرب لافتی وئرسه مورادیم اگر/ نظم دررباری گور گوهر انشایا باخ
کلبه احزانیمیز اولدو منور یئنه/ آچ گوزون ای بینوا یار مه آسایا باخ
زولف شکن در شکن طره پرپیچ و خم/ناوک مژگانی بیر گوزله او شاخ یایا باخ
چوخدا سوزو آشکار ائتمه دانیش پرده ده/سنده حیا یوخ مگر عاشق رسوایا باخ
نقطه خالین یئنه سالدی منی حیرته/ منده داخی نطق یوخ کلک شکر خایا باخ
طائر فیکریم یئنه همپر سیمرغ اولو.ب/ سئیر قیلار قافده بچه عنقایا باخ
داغلارا سال هوی های سسله ده مجنون هارای/عاشق دیوانه گل هودج لیلایا باخ
جانی نثار ائتمه دین یارا"نباتی" فقیر/ ایندی بو غمخانه ده ها شب یلدایا باخ.

[ریپورتر]

اشعار علی آقا واحد...


گولسه هر کیمسه بیزیم دیده گریانیمیزا
دوشسون عالمده گوروم حال پریشانیمیزا
عشق چوخ دلبر بی مهره اسیر ائتدی بیزی
بیری رحم ائیلمه دی ناله و افغانیمیزا
دوست ساندیق گوروب هر شوخو بلاسین چکدیک
دوشمن اولدو یئنه آخیرده بیزیم جانیمیزا
ذوق آلار عشقیده بیزدن گوروب احوالیمیزی
هانسی درد اهلی اگر گلسه بیزیم یانیمیزا
زولف زنجیرینه عقل ایله اسیر اولمامیشیق
عشق دیوانه سی ییک باخما بو نقصانیمیزا
گلدی گول فصلی بیزی ساقی نظردن سالدی
پیر میخانه گرکدیر باخا دیوانیمیزا
دم غنیمتدی مئی ایچ /بدرینی*/ ((واحد)) باشا سال...(*:شاعر سید زاده بدری).
بیر علاج اولسا اودور درد فراوانیمیزا

[ریپورتر]

ائیله دی آواره منی
سالدی هیجران اودونا اول بت مه پاره منی
ائیله دی زولفوتک هیجرینده گونو قاره منی
درد طغیانیمه بیجا یئره زحمت چکمه
تاری شاهددی طبیب اؤلدورو بو یاره منی
قیلدی کونلوم قوشونو حلقه زولفونده اسیر
وار خیالی چکه منصور کیمی داره منی
سرکویوندا وطن قیلمیش ایدیم دیلدارین
اوزدو وصلیندن الیم ائیله دی آواره منی
من تک عالمده غم و درده گرفتار اولسون
کیم کی حسرت قویوب اول مهوش دلداره منی
سن بو حسنیله زلیخای جهانسان ای مه
نولا عشقین چکه یوسف کیمی بازاره منی
واحدا زولف نیگاریم اینجه لدی تنیم
کیم گؤرو بنزه دیر اول زولفده بیر تاره منی