ديليم

[پیمان هادی فرکوش]

ديليم


ديليم توركدي ديليمنن باخ گوزل پاك شهرتيم واردي


جهاندان گر ســـــوال ائتسن بوديلده ن غيرتيم واردي


آنام توركون ديليننن چوك دانيشدي چون ازل منده ن


نهايت ايندي هريــــــاندا بو ديلده ن صحبتيم واردي


منه واجب اولوب يــــاران اولام صحبت اولان ديلنن


دانيشام يارو يولداشلــــا بــو ديلده ن نسبتيم واردي


سويا من سودئديم هرآن سو سوزوقتينده سوايچسم


حقارت تاپمارام هر آن ديليـــــمـــــنن ثروتيم واردي


يازالللار قبريمين اوسته هر آن ســـــــوزلر آنـــا ديلده


ايتيلمز قبريمين داشي بوديــــــــــلده ملتــــيم واردي


منم شاعر آنا ديلده آديم آدلانـــــــدي شـــــــــعريله


دولوبدور ديوانيم كامل بو ديـــــــلدن شوكتيم واردي


غلام شهريارم بيل بوتون الــــــــهام آلـــــيب ديوان


سلاميم وار بو ديواننان او يــــــاره رحمـــتـيم واردي


بو ديلنن من غزلخوانم بو توپراقدا ياشار تـــــوركوم


عزيز اولدوم آنا ديلده بو ديلنن عصــــــمتيم واردي


آدين شوطدوداداشدي باخ ندن ديلدن سوزون يوخدي


بونا خاطر قلم آلديم يـــــــــازام تـــا حرمتيم واردي


يوسف پورعظيم شوطي

[پیمان هادی فرکوش]

سن شرفيم شوهره تيم سن

عؤمور بويو حسر تيم سن

دؤيوشلرده غيره تيم سن

كيمدير سني دانا ديليم
‌





آنا ديليم-آناديليم





****






يازانمادي اليم سني


دوغراديلار ديليم سني








قان آغلادئ ائليم سني!!






بويانماسين قانا ديليم


آناديليم-آناديليم



****






سن ابدي واريم منيم


دارگونومده ياريم منيم


سينه م اوسته تاريم منيم








قالدئ يانا-يانا ديليم!!






آناديليم-آناديليم




****






دولوخسانما گه لر سحر

گؤزياشينئ سيلر سحر

نور ساچينا الر سحر

چيچك له نر آنا ،ديليم

آناديلي






آناديلي


***

دونيا بويويوكسه ك اوجا

سوليماندان نوحدان قوجا

گووه نيرم من دويونجا

بو شوهره ته شانا، ديليم

آناديليم

-آناديليم

[پیمان هادی فرکوش]

نازلی شیرین دیل واریم ، ئوزگه دیله یازمارام

دوغراسالاردا منی اُوز دیلیمی آتمارام

جنتی وئرسز منه ، دونیانی ساتساز منه

من آنامین ناز دیلین باشقا دیله ساتمارام

شهریاریم دوز دییب قاتما دیلین دیللره

من بو گوزل تورک دیلین آیری دیله قاتمارام

باخ بو دیلین سایه سی ، گزدی آدیم دیللره

اولماسا گر بو دیلیم هئچ یئره من چاتمارام

اوندا کی من اولموشم قورلایین اوز یوردوما

چون بودور عادت منیم ئوزگه یئره یاتمارام

قبریمین اوستونده سیز تورکی بو شعری یازین

اوز دیلیمی آتمارام ، باشقا دیله ساتمارام

[ishildaq]

آنا ديليم اولن دگيل


گل سن سيز داريخميشام ؛ بيلرسن نئجه
گليرسن يوخوما هر گون هرگئجه
گله ئيدم قوينونا ايسته ديگيم جه
درديمين درماني آذربايجانيم
كاش گليب گوريديم- حاليني بوله يديم
آغلايان گوزونون-ياشيني سيله ئيديم
آمنيم گولشنيم آذربايجانيم
كئچيلمز يولللارين كئچه بوله ئيديم
شاه بولاغ سويوندان ايچه بوله ئيديم
درديمين درماني آذربايجانيم
سوندو اوره گيمي نئچه آرزولار
سيخدي اوره گيمي سيخدي دويغولار
كاش يئتيره سنه مني بويوللار
آمنيم گولشنيم آذربايجانيم
اجداديمي خبر آلسان
تورك اوغلويام توركم اوغول

آذربايجان منيم ائليم
آذربايجان منيم ائليم
دوغرانسادا ديليم ديليم
باشقا ديله چونن دگيل
آنا ديليم اولن دگيل
ديليم اولسه من ده اوللم
آنا ديليم اولن دگيل
باشقا ديله چونن دگيل

[ishildaq]

عؤمور بويو حسر تيم سن
دؤيوشلرده غيره تيم سن
كيمدير سني دانا ديليم ‌
آنا ديليم-آناديليم
يازانمادي اليم سني
دوغراديلار ديليم سني
قان آغلادئ ائليم سني!!
بويانماسين قانا ديليم
آناديليم-آناديليم
سن ابدي واريم منيم
دارگونومده ياريم منيم
سينه م اوسته تاريم منيم
قالدئ يانا-يانا ديليم!!
آ ناديليم-آناديليم
دولوخسانما گه لر سحر
گؤزياشينئ سيلر سحر
نور ساچينا الر سحر
چيچك له نر آنا ،ديليم
آناديليم-آناديليم
دونيا بويويوكسه ك اوجا
سوليماندان نوحدان قوجا
گووه نيرم من دويونجا
بو شوهره ته شانا، ديليم
آناديليم-آناديليم

[ishildaq]

آنا دیلی (بختیار وهابزاده)
دیل آچاندا ایلک دفعه "آنا"سؤیله ییریک بیز
"آنادیلی" آدلانیر بیزیم ایلک درسمیز
ایلک ماهنمیز لای لائی آنامیز اوز سودیله
ایچیریر روحوموزا بو دیلده گیله-گیله
بو دیل-بیزیم روحوموز،عشقمیز،جانمیزدیر،
بودیل- بیربیرمیزه عهد- پیمانمیزدیر
بودیل- تانتمیش بیزه بو دونیادا هر شئیی
بو دیل- اجدادمیزین بیزه قویوب گئتدیگی
قوریوب،نسیللره بیزده هدییه وئرک
بیزیم اوجا داغلارین سونسوز عظمتیندن،
یاتاقینا سیغمایان چایلارین هیدتینن،
بو توپراقدان ،بو یئردن،
ائلین باغریندان قوپان یانیقلی نغمه لریندن،
گوللرین رنگلریندن،چیچکلرین اییندن،
میل دوزونون،موغانین سونسوز گئنیشلیگیندن،
آغ ساچلی بابالارین آغلیندان،کمالیندان،
دوشمان اوستونه جومان او قیرآتین نالیندان
قوپان سسدن یاراندین.
سن خلقیمین آلدیغی ایلک نفسدن یاراندین.
آنا دیلیم،سنده دیر خالقین آغلی،حیکمتی،
عرب اوغلی مجنونون دردی سنده دیل آچمیش.
اورکلره یول آچان فضولی نین صنعتی،
ای دیلیم،قدرتینله دونیالارا یول آچمیش.
سنده منیم خالقمین قهرمانلیقلا دولی
تاریخ واراقلانیر
سنده نئچه مین ایللیک منیم مدنیتیم
شان شهرتیم ساخلانیر.
منیم آدیم سانمیسان،
ناموسوم،ویجدانیمسان!
میلّتلره، خالقلارا، خلقمیزین آدیندان
محبت داستانلاری یارادیلدی بو دیلده.
بو دیل - تانتمیش بیزه بودونیادان هر شئیی
بو دیل- آجدامیزین بییزه قویوب گئتدیگی
اَن قیمتلی میراث دیر ،اونی گوزلرمیز تک
قورویوب ،نسیللره بیر ده هدیه وئرک
ای اؤز دوغما دیلینده دانیشماغی عار بیلن،
فاسونلو اَدابازلار،
بونلار قوی منیم اولسون
آنجاق وطن چؤره گی سیزلره غنیم اولسون






Ana Dili
Dil açanda ilk dəfə , " ANA " söyləyirik biz ,
" Ana dili " adlanır bizim ilk dərsliyimiz .
İlk mahnımız laylanı anamız öz südüylə
İçirir ruhumuza bu dildə gilə - gilə .

Bu dil - bizim ruhumuz , eşqimiz , canımızdır ,
Bu dil - bir - birimizlə əhdi peymanımızdır .
Bu dil - tanıtmış bizə bu dünyada hər şeyi ,
Bu dil - əcdadımızın bizə miras verdiyi
Qiymətli xəzinədir ... onu gözlərimiz tək
Qoruyub , nəsillərə biz də hədiyyə verək .

Bizim uca dağların sonsuz əzəmətindən ,
Yatağına sığmayan çayların hiddətindən ,
Bu torpaqdan , bu yerdən ,
Elin bağrından qopan yanıqlı nəğmələrdən ,
Güllərin rənglərindən , çiçəklərin iyindən ,
Mil düzünün , Muğanın sonsuz genişliyindən ,
Ağsaçlı babaların ,əqlindən , kamalından
Düşmən üstünə cuman o Qıratın nalından
Qopan səsdən yarandın .
Sən xalqımın aldığı ilk nəfəsdən yarandın .

Ana dilim , səndədir xalqın əqli , hikməti ,
Ərəb oğlu Məcnunun dərdi səndə dil açmış .
Ürəklərə yol tapan Fizulinin sənəti ,
Ey dilim , qüdrətinlə dünyalara yol açmış .
Səndə mənim xalqımın qəhrəmanlıqla dolu
Tarixi varaqlanır ,
Səndə neçə min illik mənim mədəniyyətim ,
Şan - şöhrətim saxlanır .
Mənim adım - sanımsan ,
Namusum , vicdanımsan !

Bu dil - tanıtmış bizə bu dünyada hər şeyi ,
Bu dil - əcdadımızın bizə qoyub getdiyi
Ən qiymətli mirasdır , onu gözlərimiztək
Qoruyub nəsillərə biz də hədiyyə verək !
Ey öz doğma dilində danışmağı ar bilən ,
fasonlu ədəbazlar ,
Qəlbinizi oxşamır qoşmalar , telli sazlar .
Bunlar qoy mənim olsun ,
Ancaq Vətən çörəyi sizlərə qənim olsun .


Bahtiyar Vahabzade

[پیمان هادی فرکوش]

اگر كوك سالساندا، آنا تورپاقدا

بيتيب سرحدلر ي آشارسان ديليم

زينه بولاق كيمي هئي سيزا- سيزا

چونوب دنيزلره داشارسان ديليم

بايرامدا باشلارسان، تازا ايل كيمي

تيكاندان بيترسن، قيزيل گول كيمي

چهچه ين باشلارسان، شن بولبول كيمي

يوردوما نغمه لر، قوشارسان ديليم

نازلي كورپه لرين، ديلين آچارسان

مارال تك دولاشيق، توردان قاچارسان

قارانليق يوللارا، ايشيق ساچارسان

گونش تك قايناييب، جوشارسان ديليم

بولوت گونش اوسته پرده سالاندا

زنجيرلر ارلرين، جانين آلانادا

حق ايلن ناحقه، ديوان اولاندا

گوزله دوز يولوندان چاشارسان ديليم

((نير اوغلو)) سوزونه نادان اينانماز

هئچ كيمين لامپاسي، صبحه جك يانماز

قيلينج قاباغيندا، قيفيل دايانماز

ائللرين آغزيندا، ياشارسان ديليم

[پیمان هادی فرکوش]

چوخ سئوینیب شنله نیره م

اوزدیلیمده سوز یازاندا

بولبول کیمی دین له نیره م

اوز دیلیمده سوز یازاندا.

چوخ شیرین دیر انا دیلیم.

قوربان اولوم من بو دیله

دنیز کیمی چاغلایئرام

اوز دیلیمده سوز یازاندا

هر ان بو یورقون جانئما

جان باغئشلئر انا دیلیم

بیر گولومده ن مین گول اچئر

اوز دیلیمده سوز یازاندا

چشمه لرده ن اخان سو تک

دوم دورودور انا دیلیم

بولاخ کیمی قاینییئرام

اوز دیلیمده سوز یازاندا

چوخ گوزه ل دیر گوزلر کیمی

دادلی شیرین سوزلر کیمی

سوزله نیره م سازلار کیمی

اوز دیلیمده سوز یازاندا

عومروم گونوم گوندوزومدی

سئوگیم سئودام سئوگیلیم دی

گووه نیره م قاینایئرام

اوز دیلیمده سوز یازاندا

باش باهارئم باش یازئم دئر

دادلی دوزلی اوازئم دئر

غم لر قاچئر اوره گیمده ن

اوز دیلیمده سوز یازاندا

چوخ ایستیره م اوچام قاچام

اذربایجان ائللرینده

قئزل گول تک عطیر ساچام

اوز دیلیمده سوز یازاندا

اوندان سورا محبتده ن

دویغو دولو حرارتده ن

دنیز کیمی جوشوب داشام

اوز دیلیمده سوز یازاندا

هر بیر ائلین بیر داغی وار

بویوک یوکسک دایاغی وار

منه سونمز چراغ دیلدیر

اوز دیلیمده سوز یازاندا

سئوینیره م وارلئغئما

چونکی دیلیم وارلئغئمدئر

داردان قاچوب قورتولورام

اوز دیلیمده سوز یازاندا

اتام انام یوردوم یووام

یاشئل کوینک ائلیم اوبام

قلم کیمی چیچکله نیر

اوز دیلیمده سوز یازاندا

گوزلریمده ن اخان یاشلار

گوزه ل گوزه لقلم قاشلار

اوره ک سئوه ن سویله ییرلر

اوز دیلیمده سوز یازاندا

کور اوغلودان قوچ نبی ده ن

فضولی ده ن شهریاردان

فخر ائده ره ک سوز یازئرام

اوز دیلیمده سوز یازاندا

گویده قانات اچئر قلم

چیرکینلیکده ن قاچئر قلم

گول تک عطیر ساچئر قلم

اوز دیلیمده سوز یازاندا

دامارئمدا قان قاینایئر

گوزلریمده جان قاینایئر

سوزوم دئیر:یان قاینایئر

اوز دیلیمده سوز یازاندا

گونش کیمی شاخئر سوزوم

چایلار کیمی اخئر سوزوم

هئچ بینمیر پاخئر سوزوم

اوز ئیلیمده سوز یازاندا

نه اولار گوروم اوجالئغئن

اوزون عومرون قوجالئغئن

یالوارئرام اوز تانرئما

اوز دیلیمده سوز یازاندا.

[پیمان هادی فرکوش]

افتخاریم بودی تُرکم ، دیلیم آذر دیلیدی


دیوسوز هرنه دیون ، تُرکه بو دیل سئوگیلیدی


دَده قورقوددی دَدَم ، سازی باسوب سینه سینه


سازینون پرده لَری ، خلقه ، ایپَک تک تِلیدی


قهرمان بابکیمیز واردی آدی ذروَه ده دی


دیَه بیلَّم که اوزی تک لیگینه ، مین ائلیدی


سارا عصمتلی گلین لَر بِجَریب آذر ائلی


عِصمَتین حِفظ اِئلماقلیقدا ، پَناهی سِئلیدی


خان چوبانلار واریمیزدی ، نبی لر ، دُمْرُل لَر


هَر بیری تُرک ائلینون زحمتینون حاصلیدی


شهریار ترکیدی، سعی ایلَمه سن فارس ائده سن


او اَدَب گُلشَنینون ایچره سولونماز گُلیدی


تُرک دانماز دیلینی ، بَلکه اونا فَخر ائلیَر


دیلینی دانسا بیری ، سَن دیری سانما ، اُلیدی


قوچ کور اوغلی، دَلی ایوازی تانور تُرک اوشاقی


گر چه مسکن اولارا ، داغ آرا چَنلی بئلیدی


ساتقین اولما ، دیلووی ساتما آماندور یلیگ اول


فارسی اورگَتمَک اوشاقه بو دیلین قاتلیدی


فارسینی اورگَشَجَکدور اوشاقون جامِعَه دَن


گوزَل ایرانیمیزین ، فارسی که رَسمی دیلیدی


اِئوده باری اوشاقونلان ، گوزَلیم تُرکجَه قونوش


دئمَه سین بیرگون او،تُرکی دیلی،چوخ مُشگلیدی


دَرد دانیشدیردی گنه ((جعفری))نی نیلَه مَه لی


بونی یاخشی بیلورَم ، سَن دیَه جَکسَن دَلیدی


شعر: جعفری زاویه

[پیمان هادی فرکوش]

دولوب محببتون ای شوخ و دلستان دیلیمه

آلیب قراریمی الدن وئریب توان دیلیمه

کمان قاشون، گؤزون، اوخ کیپریگون، ساچین گؤزه لیم

آتیر کمند، چکیر یای گئدیر نشان دیلیمه

آلاولی سینه مین آهی وجودیمی کول ائدر

اگر سو سپمسه بو چشم خونفشان دیلیمه

یوخومدو چاره دایاننام همیشه چم خمیوه

ولی باتیرمیاسان طعنیله تیکان دیلیمه

گتیر جمالیوی قوی سینمه قادان جانیما

سرین سرین نفسونله سو سپ یانان دیلیمه

نه قدری گیزله دیرم درد عشقی سینه مده

دیلیمده جوشه گلیر غم اولور روان دیلیمه

می الستله مستم نه آبدستله پست

کی دگمه ییب الیمه جام و استکان دیلیمه

آنا دیلیم ائله شیریندی جاندان ایسته ملی

آچاندا من دیل آنام چوخ دئییبدی جان دیلیمه

دیلیم شیریندی عسلدن اودور کی غم یئمه رم

اگر وورا آریلار نیش هر زامان دیلیمه

منم او ترک، کی آدیم غزللرین دوزودو

من آذر اوغلویام آذر وئریبدی جان دیلیمه

منم او ترک، بخارئیله سمرقندی

باغیشلاییبلا قرا خالیمه ماتان دیلیمه

منم او ترک، کی غربتده اللی ایل یاشارام

تجاوز ائیله مز اهواز و اصفهان دیلیمه

منم او ترک، کی دالدان چیخاردارام دیلینی

قاهاررام انگینی هر کیم دیسه یامان دیلیمه

منم او ترک، سوزوم جمله سوزلرین گوزیدو

سوزوم اوزوم کیمی دوز، باغلاما یالان دیلیمه

دیلین فضیلتی یوخدور ملاک تقوادی

گئد اوز کمالیوه گول گولمه ای فلان دیلیمه

یقول اکرمکم عند ربّی اتقاکم

قویوب پیمبر اکرم گوزل بیان دیلیمه

همیشه امر به معروف دور منیم هدفیم

اگر کومک لیق ائده حیّ لامکان دیلیمه

منافقه دئیرم ال گوتور بو تفرقه دن

گولوب محاسینیمه یازما داستان دیلیمه

گلین وئره ک ال اله دشمنین قازاق کوکونو

یئتیرمه زهریلی عقرب کیمی زیان دیلیمه

کریمی ام دیلیمی رایج زامان ائده رم

توجّه ائتسه آقام صاحب الزّمان دیلیمه

استاد کریمی مراغه ای

[ishildaq]

ANA DİLİ

زبان مادری
آنا دیلی
http://s1.picofile.com/file/6367457742/anadili.jpg
ديل آچاندا ايلک دفعه « آنا » سؤيله ييريک بيز،
« آنا ديلي » آدلانير بيزيم ايلک درسليگيميز.
ايلک ماهنيميز لايلاني آناميز اؤز سودويله
ايچيرير روحوموزا بو ديلده گيله – گيله.
بو ديل بيزيم روحوموز، عشقيميز، جانيميزدير،
بو ديل بير- بيريميزله عهدي- پئيمانيميزدير.
بو ديل تانيتميش بيزه بو دونيادا هر شئيي،
بو ديل اجداديميزين بيزه ميراث وئرديگي
قييمتلي خزينه دير…اونو گؤزلريميز تک
قورويوب، نسيللره بيز ده هديه وئرک.
بيزيم اوجا داغلارين سونسوز عظمتيندن،
ياتاغينا سيغمايان چايلارين حيددتيندن،
بو تورپاقدان، بو يئردن،
ائلين باغريندان قوپان يانيقلي نغمه لردن،
گوللرين رنگلريندن، چيچکلرين ايگيندن،
ميل دوزونون، موغانين سونسوز گئنيشليگيندن،
آغ ساچلي بابالارين عقليندن، کاماليندان،
دوشمن اوستونه جومان او قيراتين ناليندان
قوپان سسدن ياراندين.
سن خالقيمين آلديغي ايلک نفسدن ياراندين.
آنا ديليم، سنده دير خالقين عقلي، حيکمتي،
عرب اوغلو مجنونون دردي سنده ديل آچميش.
اورکلره يول آچان فوضولي نين صنعتي،
ائي ديليم، قودرتينله دونيالارا يول آچميش.
سنده منيم خالقيمين قهرمانليقلا دولو
تاريخي واراقلانير،
سنده نئچه مين ايلليک منيم مدنيتيم،
شان- شؤهرتيم ساخلانير.
منيم آديم- سانيمسان،
ناموسوم، ويجدانيمسان!
بو ديل تانيتميش بيزه بو دونيادا هر شئيي،
بو ديل اجداديميزين بيزه قويوب گئتديگي
ان قييمتلي ميراثدير، اونو گؤزلريميز تک
قورويوب، نسيللره بيز ده هديه وئرک!
ائي اؤز دوغما ديلينده دانيشماغي آر بيلن
فاسونلو ادابازلار،
قلبينيزي اوخشامير قوشمالار، تئللي سازلار.
بونلار قوي منيم اولسون،
آنجاق وطن چؤرگي،
بير ده آنا اورگي.
سيزلره قنيم اولسون.
http://s1.picofile.com/file/6367456736/Ana_dilim.jpg
سو دئيبدير منه اولده آنام آب كي يوخ
يوخو اويره تدي اوشاقليقدا منه خواب كي يوخ
ايلك دفعه كي چوره ك وئردي منه نان دئمه دي
اوليندن منه دوزدانه نمكدان دئمه دي
آنام اختر دئمييبدير منه اولدوز دئيب او
سو دوناندا د ئمييب يخدي بالا بوز دئيب او
ال دئيب، دست دئمييب برف دئمييب قاردئيب او
منه هئچ وقت بيا سويله مييب گل دئيب او
ياخشي خاطيرلاييرام يازگوني آخشام چاغيلار
باغچانين گون چيخانيندا كي ايليق گون ياييلار
او دئيردي كي گل باشيوي دارييم اي نازلي بالام
گلمه سن گر باجيوين آستاجا زولفين دارارام
اودئمه زدي كي((بياشانه زنم بر سر تو))
(( گر نيايي بزنم شانه سر خواهر تو))
بلي قارداش داش ياغسادا گويدن سن اوسان منده بويام
وارسنين باشقا آنان واردي منيم باشقا آنام
اوزومه مخصوص اولان باشقا ائليم واردي منيم
ائليمه مخصوص اولان باشقا ديليم واردي منيم
ايسته سن يولداش اولاق بير ياشيياق بيرليك ائده ك
وئريبن قول قولا بيريولدا گئده ك
اولاً اوزگه كولكلرله گره ك آخميياسان
ثانياً ائليمه ، وارليغيما خور باخميياسان
ايسته سن زور دئيه سن، ملتيمي خوارائده سن
گون گئده ر، صفحه چونر مجبور اولارسان گئده سن

[پیمان هادی فرکوش]

منیم آی غملی دیلیم


منيم آي غملي ديليم !
درده بورونموش
سنه چوخ دردلي سؤزوم وار
سنه ايللر بوْيو قان آغلاماغا بيل كي گؤزوم وار
داخي دوستاقلي گؤنول ايچره كؤزوم وار
سن آتامين ديلي‏سن ، هم ده آنامين
ائليمين ، ميللتيمين ، كيمليييمين
بايراغي سَنسَه ن
تؤركلويون شانلي نيشاني
اُولاماز نازلي ديليم من سني آتام
اؤزگه ‏لر ديلينه ، ياد ائللرينه من سني ساتام
سني آلداتماييرام
سني ايچدن سئويره‏ م
سن اگر سولغون اولاسان ، سولاسان
گؤزلريم گؤز ياشيني دالغالارام
ظولمه قارشي آخارام
كؤزه ‏ره ‏ن گؤكسوم اوديله ياخارام
ظولمه سوْن نوقطه‏ سيني قويمالييام
سنه من آند ايچَه ره ‏م
آخي تورك'ون توْرونو
آنا "تومروس" قيزييام
آي منيم غملي ديليم !
درده بورونموش
سنه من آند ايچه ره ‏م
سنه من آند ايچه ره ‏م

[پیمان هادی فرکوش]

باشئمدا سوئداسان آرزئسان گؤروم

سن منیم دیلییم هم آرخام ائلیم

بوراخماز اللریم توتوب اتگین

سنسیز من سوزلری بس کیمه دئییم

جانئمدا قانئمسان ندور ایستگین

حایاتئم آلگئنان، گوی سؤزوم دئییم

سؤروشما حالئمنان کؤنوش سؤدیگین

هئچ دئمم یؤلوندا سئنسادا بلییم

داغلارون داشلارون بنزدور نگین

سنسیز من یاشامام، گؤی اؤلوم گئدیم

ستارخان، باقئرخان، قهرمان بئیین

گئدسن سن، هارا دای من وطن دئییم

یاندئرور اؤرگیم سنین نیسگیلین

آرازدان گئچم من بس هارا گئدیم

قئزئل تک اؤزرکن چایون وار سنین

ایسته مه قورویا، گؤز یاشئم منیم

سهندون، ساوالان، داغلارون سنین

اؤنوتسام توپراغون، توپراغا گئدیم

کؤچرگن ائللرون واروندور یقین

توشسمده اوزاکدان گؤی قاچئم گلیم

داغلاردان، دره لر ، آشئر سیللرین

یازایدئم داشلاردا اورک سؤزلریم

جانئمدا حایاتئم سنین دور سنین

ای منیم آرزئلار ای منیم ائلیم

مدحوننان سؤرایا دئسم بیر سؤزین

لال اؤلسون دیلیمده، کؤر اؤلسون گؤزیم

توپراغون ساتانا، نیفرینین سنین

بیر قریش توپراغون جانئمدور منیم

قزویننن بویانا مولکوندیر سنین

سؤزلریم، گورتارئم، سن دئسون سؤنیم

جانئمئز یولوندا قوربانین سنین

چوخ یاشا، ای منیم گوزلیم، آذر وطنیم

[پیمان هادی فرکوش]

پايان