تورکـو، والـلاه، آنـالار اوخشاغي ، لايلاي ديلي دير

[پیمان هادی فرکوش]

تورکـو، والـلاه، آنـالار اوخشاغي ، لايلاي ديلي دير

تورکو بير چشمه ايسه مـن اونو دريـا ائلـه ديـم

بير سويـوق معرکـه نـي، محشر کـبرا ائلـه ديـم

بيـر ايشلتيدي سهـا اولـدوز تـک گــور سنـمــز

گوز ياشيـمـلا مـن اونـو عـقـد ثـريـا ائـلــه ديـم

اوميـديـم وار کـي بو دريـا ، هلـه اوقيـانوس اولا

اونـا ضــاميــن، بـو زمــينه کــي مهيـا ائلـه ديـم

عيـرفـانـا چـاتـماسـا ، شـعـرو ادب ابقـا اولـمــاز

من ده عيرفانه چاتيب ، شـعـرمـي ابقـا ائلـه ديـم

ابـديــتـلـه يــانـاشديـم، دوغـولا حـافـيـظـه تـاي

شـيرازيــن شــاهچــراغيـن تبريزه اهدا ائله ديم

تورکونون جانـيـنـي آلــميشــدي حياسيز طاغوت

مـنده حـافـيـظ کـيـمـي اعـجـاز مـسـيـحـا ائلـه ديم

قمه- قداره لر آغزيندا ديل اولمـوشـدو سـويـوش

من سئوينج ائتديـم اونو، خـنـجـري خرما ائله ديم

ايندي گويـلـر ده گـوزل صفلـه ، صفا ايله گـزيـر

منـجـلابـلاردا اوزن اوردگــي دورنـــــا ائلـه ديـم

باخ کي (حيدر بابا) افسانه تک اولموش بـير قــاف

من کيچيک بير داغي سر منــزل عنقــا ائلـه ديـم

بوردا «روشن ضمير» يـن ده هنرين يـاد ائلـه ديم

من اونـون دا قلميـــن طـوطــي گويـــا ائـلـه ديـم

نـه تــک ايـرانـدا مـنيم ولـولـه سـالمــيـش قلميــم

باخ کي تورکيه ده ، قـافقازدا نه غـوغـا ائـلـه ديــم

بـاخ کـي تهــرانـدا، نـه فرزانـه لــر اولمــوش واله

بــاخ کــي تبريزده ، نــه شاعرلري شيدا ايله ديم

هم سهنديه ، سهندين داغيـن ائتـدي بــاش اوجـا

هم من اوز قارداشيمين حـاققيني ايفــا ائلـه ديــم

آجـي ديـللر ده شيـريـن تورکـو ، اولوردو حنضـل

من شيريـن ديـللر قاتـديم، اونـو حلـوا ائـلـه ديـم

هــر نـه قالـميشدي کئچنلــردن اونــا بــال پتـگي

ارديب موملو بالــيـن شـهــد مـصـفـا ائـلـه ديـــم

تورکـو، والـلاه، آنـالار اوخشاغي ، لايلاي ديلي دير

درديــمــي مــن بــو دواايــلــه مـداوا ائـلـه ديــم

شهريار ، حيف ساووخدور بو د گـيـرمـان هلـه ده

دارتماغـا يـوخـدو دنــي ، من ده مـداوا ائـلـه ديـم

اوستاد ‏شهريارhttp://blogfa.com/images/smileys/24.gif